Galeria Kombëtare e Kosovës

Galeria Kombëtare e Kosovës është themeluar në vitin 1979 si pjesë e Fakultetit të Arteve të Universitetit të Prishtinës. Fillimisht ishte vendosur në Pallatin e Rinisë dhe Sporteve, një tjetër hapësirë ku do të mbahet Manifesta 14 Prishtina. Gjatë viteve, galeria ka shërbyer si pikënisje për shumë artistë të cilët kanë studiuar në universitet, duke përmbushur kontratën shoqërore të institucionit: për të ngritur dhe vlerësuar artin në Kosovë.

Veçanësia e kësaj galerie shtrihet në grafikë, skulpturë dhe arte pamore dhe kjo galeri ka një koleksion prej 1000 punimesh artistike të plotësuara nga 210 vepra ikonike nga Grand Hotel Prishtina.

Godina e ulët është e rrethuar nga Fakulteti i Arteve dhe Fakulteti i Arkitekturës, dhe gjithashtu nga Biblioteka Kombëtare. Përgjatë viteve të fundit, galeria e ka zgjeruar fokusin e saj duke ekspozuar artistë nga i gjithë rajoni dhe duke botuar publikimet e veta.