Document Missing: Performance no. 6 (Daughter) – Hristina Ivanoska

Roza Plaveva – kush, pyesni ju? – duhet kujtuar, por nuk kujtohet. Simotra maqedonase e Rosa Luxemburg-ut, Plaveva kaloi dekada duke luftuar për të drejtat e grave dhe punëtorëve.

Lindur në 1878 në Veles, ajo vdiq në 1970 në Beograd, megjithatë historia e rezistencës politike që u shpalos midis këtyre dy datave kryesisht është fshirë dhe harruar.

A mund të ringjallet Plaveva si figurë historike? A mund ta rigjejë zërin? A ka të vërtetë që të zbardhet nga copat? Pyetje të tilla përbëjnë bazën e projektit hulumtues afatgjatë të Hristina Ivanoskës Document Missing: The Intricate Sense of Truth in Oral Histories [Dokument i Humbur: Ndjesia e ndërlikuar e të vërtetës në historinë gojore], që filloi në vitin 2014.

Duke përvetësuar personin e Plavevës, artistja rikrijon situata dhe dokumente “që ishin dhe nuk ishin” në performanca, fotografi, objekte, punime tekstili, vizatime dhe tipografi.

Ndërsa instalimi i Ivanoskës reflekton mbi dobësitë e kërkimit në mungesë të provave materiale, shfaqja e saj paraqet një rast konkret: tregimin prapa persekutimit politik të vajzës së Plavevës, Nadezhdas. 

Shihni Hristina Ivanoskën tek performon Document Missing: Performance no. 6 (Daughter) në Bibliotekën Kombëtare të Kosovës prej 21:00-21:45, të shtunën, më 23 korrik.