Korridori i Gjelbër

Fillimisht e hapur në vitin 1936, hekurudha Prishtinë-Beograd ka qenë jashtë përdorimit prej dy dekadash dhe me kalimin e kohës nuk është në gjendje përdorimi. Itinerari i hekurudhës është parë si simbol i eksodit të vitit 1999, udhë të cilën e ndoqën qindra e mijëra banorë të Kosovës kur u larguan nga vendi i tyre për për t’i shpëtuar luftës. 

Para Manifesta 14 Prishtina, një pjesë e shinave të hekurudhës do të transformohet në një udhë për këmbësorë që lidh ish-Fabrikën e Tullave me Pallatin e Rinisë dhe Sporteve e rrjedhimisht me qendrën e qytetit. 

Kjo ndërhyrje jo vetëm do të lehtësojë lëvizjen mes hapësirave të ndryshme të Prishtinë, por gjithashtu ofron një hapësirë të re, të gjelbër për komunitetin dhe mjedisin urban. 

Komuniteti do të përfshihet në vendosjen, projektimin dhe mirëmbajtjen e këtij korridori nën udhëheqjen e CRA-Carlo Ratti Associate dhe me koordinimin e UN Habitat dhe Komunën e Prishtinës.