Programi i Ekologëve të Rinj: Ndërtimi i një Herbariumi me Lumnije Pacin

Së bashku me Lumnije Pacin, profesore e lëndës së biologjisë në shkollën fillore “Meto Bajraktari! Do të mësojmë të identifikojmë bimë vendore të ndryshme pranë Qendrës për Praktikë Rrëfyese, mes të cilave do të mësojmë se si të ndërtojmë një herbarium. Kjo punëtori dy-ditore do të fokusohet në ecjet në natyre si dhe në bazat e krijimit të një herbariumi. I ftojmë fëmijët e moshave 15-vjeç e sipër të na bashkohen në Oazë.

Dita e parë

Përgjatë ditës së parë, do të mësojmë mbi lloje të ndryshme të bimëve që gjejmë në rrugët e Prishtinës dhe se si t’i identifikojmë ato. Do të zhvillojmë ecje në lagjen e Tophanes për të mbledhur gjethe, lule dhe shumë më shumë, për të nisur ndërtimin e herbariumit ditën e nesërme.

Dita e dytë

Nën drejtimin e Lumnijes do të mësojmë rreth herbariumit dhe do ta krijojmë një të tillë me gjethet, bimët dhe lulet e mbledhura një ditë më parë. Fëmijët do të kenë mundësinë të mësojnë rreth rëndësië së herbariumit mes gjetjes, identifikimit, klasifikimit dhe emërtimit të bimëve, si dhe të kuptojnë shpërndarjen gjeografike të bimëve – këto të gjitha ndërsa krijohet herbariumi ynë.