Ndërhyrje artistike – Petrit Abazi, Piers Greville, Stanislava Pinchuk

Mitrovica është qytet i ndarë. Në veri të lumit Ibër jeton një shumicë etnike serbe. Në jug, popullsia është kryesisht shqiptare. Ndonëse një urë lidh të dy palët, ajo rrallë kalohet. Ende e patrulluar rëndshëm nga përfaqësuesit e forcës paqeruajtëse ndërkombëtare, ajo mishëron përçarjen endemike të Kosovës së paskonfliktit dhe paqëndrueshmërinë politike me të cilën shkon krah për krah.

Petrit Abazi, një kurator i lindur në Mitrovicë, bashkon artistët Stanislava Pinchuk dhe Piers Greville për të eksploruar mënyrat e pajtimit, riparimit dhe shërimit, duke vendosur dy vepra individuale arti brenda kufirit fluid dhe të paqartë politik të vetë lumit.

Instalacioni i Pinchuk-ut Evropa pa monumente paraqet një plazh urban dhe fushëlojë në një qytet me burime tejet të pakta për hapësira publike qytetare dhe rekreative. E ndërtuar nga skelat, struktura e saj na kujton format e Monumentit kushtuar minatorëve të dy etnive nga Bogdan Bogdanović i cili ngrihet mbi qytet.

E ndërtuar mbrapsht, vepra shqyrton trashëgiminë e ngarkuar, tensionin dhe rezonancën e monumenteve jo vetëm në Kosovë, por edhe në Ukrainë – vendin e lindjes së artistes. Çka është këtu e Greville-it është një urë e mishëruar nga vetë njerëzit.

Duke vendosur një kornizë në mes të lumit, artisti fton qytetarët nga të dy anët e qytetit të notojnë në shenjë solidariteti, së bashku kundër rrymës. Ndërkohë aksioni vëzhgohet nga dy flamuj të cilët paraqesin shfaqje të terrenit përreth, por nuk pretendojnë territor.