Organizata
Fondet për secilin edicion të ri të Manifestës mblidhen nga fillimi ndërsa eventi menaxhohet nga një përzierje e anëtarëve të ekipit të përhershëm ndërkombëtar dhe specialistëve vendës. Manifesta punon nga zyrat e saj në Amsterdam dhe në qytetin mikpritës.
Nga selia e vet në Amsterdam, ekipi i përhershëm i Manifestës siguron shtyllën për qeverisjen dhe produksionin e Bienales Evropiane Nomadike. Për secilin edicion të Manifestës, ekipi i përhershëm konceptualizon një projekt të ri në bashkëpunim me partnerët e qytetit mikpritës.
Ekipi i Manifesta punon për periudha të gjata në vendin nikoqir për të siguruar që sinergjia midis përvojës së tyre ndërkombëtare dhe ekspertizës lokale të mbetet si një trashëgimi në vendin mikpritës. Vazhdimësia e Manifestës bazohet në bashkëpunimin dhe bartjen e njohurive, të nxitura nga një rrjedhë e vazhdueshme e aktiviteteve, në të cilën kërkimi dhe inovacioni kuratorial luajnë një rol thelbësor.
Aktualisht, ekipi lokal përbëhet nga koordinatorët e departamenteve me seli në Prishtinë dhe do të rritet brenda disa muajve të ardhshëm.
Organizata
Hedwig Fijen
Drejtore
Catherine Nichols
Ndërmjetësuese Kreative
Departamentet
BIZNES
Departamenti i Biznesit krijon strukturën kurrizore administrative, ligjore dhe financiare në secilin edicion, dhe është përgjegjës për menaxhimin e të gjitha aspekteve financiare, njerëzore, ligjore, administrative, operacionale dhe të qeverisjes së organizatës.
ZHVILLIM
Departamenti i Hulumtimit dhe Zhvillimit hulumton një larmi të modeleve plotësuese të financimit dhe zbaton një pjesë të rëndësishme të buxheteve të Manifestës, duke mbledhur fonde për Manifesta 14 Prishtina, duke krijuar marrëdhënie të qëndrueshme me financues (ndër)kombëtarë publik dhe privat, përfshirë dhënien individuale, sponsorizimet dhe partneritete të tjera.
EDUKIM
Programi i Edukimit dhe Ndërmjetësimit është një pjesë thelbësore e Manifestës që buron nga takimet me një larmi akterësh vendor në qytetet pritëse të Manifestës, duke përfshirë banorët, arsimtarët, artistët, historianët, aktivistët dhe shoqatat. Në secilin edicion të Manifestës, programi merr forma të ndryshme, gjithmonë duke konsideruar audiencën dhe bashkëpunëtorët si faktorë thelbësor.
KOMUNIKIM, MARKETING & PUBLIKIME
Departamenti i Komunikimit, Marketingut dhe Publikimeve është përgjegjës për strategjinë e brendit/markës, mardhëniet me publikun dhe partneritetet mediatike, dizajnin dhe identitetin e brendit/markës, komunikimin dixhital dhe social dhe menaxhimin e komunitetit, për ngjarjet, marketingun, si dhe për krijimin e të gjitha botimeve për Manifesta. Departamenti është përgjegjës për komunikimet e brendshme dhe të jashtme.
PRODUKSION
Departamenti i Produksionit shoqëron konceptualizimin e programit dhe është përgjegjës për zbatimin e ideve programore në struktura konkrete në bashkëpunim të ngushtë me kontribues të jashtëm, si krijues ndërmjetësues, artistë dhe pjesëmarrës, akterë lokal dhe anëtarë të ekipit.
ANËTARË TË BORDIT MANIFESTA 14 PRISHTINA:
Hedwig Fijen, drejtore e Manifesta
Yll Rugova, Nënkryetar i Bordit të Manifesta 14 Prishtina
Andrea Cusumano, Ish-Këshilltar i kulturës së qytetit të Palermos
Niels De Ru, Partner në firmën ligjore Allen & Overy LLP
Besa Luci, Kryeredaktore dhe Themeluese e Kosovo 2.0
Vesa Sahatçiu, Këshilltare për Kulturë e Kryetarit të Komunës së Prishtinës
