Ndërhyrje artistike – Majlinda Hoxha

Majlinda Hoxha ka shikuar prapa fasadës së hotelit Grand që nga viti 2016. Një depo e historisë së vendit të saj dhe një mikrokozmos i shoqërisë së tij, hoteli është bërë njëri nga preokupimet qendrore të artistes.

Sërish e sërish, ajo është kthyer në atë ndërtesë. E tërhequr nga liminaliteti i pakëndshëm i hotelit, i ka përshkuar korridoret e tij dhe ka hyrë nëpër dhoma, duke folur gjatë me njerëzit që punojnë atje.

Ajo ka hyrë në arkiva, ka gjurmuar rrethanat e jetës brenda dhe jashtë mureve të hotelit dhe ka regjistruar disa nga zhvendosjet më të fundit të gjendjes së tij. Për herë të parë, ajo po paraqet rezultatet e kërkimit të vet. Në një cikël fotografish, Hoxha dokumenton koleksionin dikur të ndritshëm të hotelit me piktura, tapiceri, printime dhe skulptura.

Të instaluara bash në vendet ku dikur qëndronin apo vareshin punimet, ato shërbejnë si zëvendësuese për koleksionin që ishte. Portretet e punëtorëve përbëjnë ciklin e dytë të fotografive. Historitë e tyre mund të dëgjohen nëpër gjithë hotelin.