Lançimi i Programit të Fotografisë me Vigan Nimanin, Abi Shehun, Majlinda Hoxhën dhe Jochen Rohner

Më 4 tetor lançohet Programi i Filmit dhe Fotografisë në bashkëpunim me Studion e Hapur të Abi Shehur e ky projekt përfshin një seri të punëtorive mbi prodhimin e fotografive analoge.

Kandidatët e përzgjedhur do të kenë mundësinë të ndjekin ligjërata mbi aspekte të ndryshme të procesit të zhvillimit të fotografisë, punëtori praktike mbi krijimin e projekteve të fotografive në film dhe ndjekjen në zhvillimin e këtyre fotove në dhomën e errët.

Të gjitha punëtoritë do të mbahen në Qendrën për Praktikë Rrëfyese e do të zhvillohen në gjuhën shqipe ose angleze nga artistja Abi Shehu, Vigan Nimani dhe Prof. Jochen Rohner.

Programi do të zhvillohet me kapacitete të limituara për individë që janë 15 vjeç e më të mëdhenj.

Secili pjesëmarrës do të zhvillojë larjen e fotove të cilat do të përmbajnë një tematikë të caktuar në bashkëpunim me trajnerët, e këto fotografi do të shfaqen në një ekspozitë në fund të serive të punëtorive. Orari i saktë i ligjëratave dhe punëtorive do të shpallet pas formimit të grupit.

Klikoni këtu për t’u regjistruar.