Ndërhyrje artistike – Flaka Haliti

Nëse keni parë ndonjëherë diellin të perëndojë në qielln e përndezur ose gacat e përflakura të luftës, horizonti i mistershëm i Flaka Halitit do të bëjë që fyti t’ju shtrëngohet pak, muskujt t’ju kontraktohen – sidomos nëse e njihni modelin e reve që kamuflojnë rrezatimin në skajin e qiellit të konstruktuar prej saj.

Në Under the Sun – Explain What Happened   [Nën diell – Shpjego çka ndodhi], si në shumë nga veprat e saj, artistja mori si pikënisje materialin ndërtimor të gjetur në kontekstin ushtarak. Në këtë rast, materiali që ajo përvetëson dhe përshtat rrjedh nga një bazë e mëparshme e KFOR-it, forcës paqeruajtëse ndërkombëtare të udhëhequr nga NATO në Kosovë. E vendosur pranë qytetit të Prizrenit, ajo është tani shtëpia e Autostradës Hangar, një institucion i ri kulturor që është zhvilluar nga Bienalja e Autostradës.

Ajo që mbërtheu artisten rreth materialit është ajo që mund të na intrigojë neve si shikues: një proces enigmatik është gdhendur në material, ka lënë pas një gjurmë, njëfarë fotografie, një pjesë dëshmie prekëse, një narrativë historike ende të patreguar.