Ndërhyrje artistike – Alicja Rogalska

Radhët e shtëpive identike janë pamje e zakonshme në Kosovë. Të njohura si “shtëpi vëllezërish”, ato dëshmojnë forcën e lidhjeve familjare dhe barazinë e solidaritetin performativ – midis burrave. Motrat rrallë përfshihen në këtë praktikë ose në trashëgiminë familjare, duke siguruar kështu varësinë financiare nga baballarët, vëllezërit, bashkëshortët dhe bijtë.

Sister Flats [Banesat Motra] na fton të imagjinojmë se si gjërat mund të ishin ndryshe, si pasuria dhe pushteti mund të shpërndahen drejt, dhe strukturat e shtypjes të shpërbëhen. I zhvilluar në dialog me aktivistet feministe kosovare, projekti i Alicja Rogalska-s propozon motërzimin si pikënisje.

Duke marrë hua nga teatri imersiv, dhomat e arratisjes dhe muzetë etnografikë, artistja e vë kërkimin brenda sferës familjare. Vend i shumë shtypjeve gjinore, ai mund të mbajë brenda edhe çelësin e emancipimit. Të hënave, kur hapësira do të jetë e mbyllur për publikun, ajo do të përdoret për sesione këshillimi ligjor për gratë vendase.