Four Ways from Sundown programi i Kino ARMATA – Filma nga Anna Thew

SHOWCASE
Anna Thew (UK)

Përgjegjësitë Institucionale dhe Artistike të Krijimit të Filmit Eksperimental
4 tetor, 18:00 – 22:00

Filma nga Thew dhe punëtori mbi historinë e filmave eksperimentalë
5 tetor, 18:00 – 22:00

Filma nga Thew dhe bisedë mbi traditën e filmbërësve të Londrës Co-Op dhe rrjetit ndërkombëtar të filmit eksperimental
6 tetor, 18:00 – 22:00

Filma nga kineastët e ftuar dhe leksione/debate/performancë rreth perspektivave të reja në zhanër
Shfaqjet e filmave të Anna Thew janë pjesë e programit Four Ways from Sundown të ​​Kino ARMATA-s, i kuruar nga Sezgin Boynik, Alush Gashi dhe Vigan Nimani për Manifesta 14 Prishtina, ku gjithashtu marrin pjesë Felix Kubin, Jean-François Pauvros & Jean-Marc George Montera dhe Sylva. Four Ways from Sundown mbështetet nga Fondacioni Manifesta 13 Marseille.

RRETH ANNA THEW
Lindur në Sheffield në vitin 1947. Ka studiuar FA Pikturë në Chelsea School of Art, Londër, poashtu gjuhën italiane dhe gjermane në Universitetin e Mançesterit dhe në Universitetin Perugia, Itali. Filloi të bënte filma në vitin 1980, duke punuar në formate me një ekran të vetëm dhe të zgjeruar me shumë ekrane, instalim dhe performancë, me çmime prodhimi nga Këshilli i Arteve, Instituti Britanik i Filmit dhe Channel 4, dhe sponsorizim nga Kodak.

Puna e Anna Thew është shfaqur gjerësisht në festivalet ndërkombëtare të filmit, duke përfshirë Berlinin, Edinburgun, Londrën, Nju Jorkun, Sydney, Locarno dhe Montreal; në galeritë duke përfshirë Galerinë Serpentine dhe Tate, Londër dhe Center Georges Pompidou, Paris, dhe në programet e turneut në MB, Francë, Gjermani, Australi, Holandë, Brazil dhe SHBA. Shfaqjet retrospektive dhe të veprave me një dhe me shumë ekrane përfshijnë BROKEN PIECES, Zagreb dhe Dubrovnik, 2002, ANNA THEW MULTI-PROJECTIONS, Villa Capriglio, Torino 2000, LUX, Londër, 1999, Festivali Ndërkombëtar i Filmit dhe Videos së Re, Split, Kroaci 1997 dhe Akademie der Künste, Düsseldorf 1995.

Ajo ka kuruar në mënyrë të pavarur programe të filmave dhe videove të artistëve në Mbretërinë e Bashkuar dhe jashtë saj, duke përfshirë 291 Gallery, Londër, 2001, LUX Cinema 1999, Riverside Studios (Free Radicals) 1998, FLUX në Milch Gallery, 1996, FLUX at the Min, Londër 1994 dhe turne gjerman në New British Film & Video sponsorizuar nga British Council Leipzig. Mësimi përfshin Goldsmiths, Central Saint Martins. Aktualisht po programon serinë Art in Cinema në Kolegjin e Artit Chelsea.

Filmat e Thew dhe performancat e saj kombinojnë subjektivitete queer me hetime strukturore-formaliste dhe partiturat muzikore me aktivizmin social. Gjatë ekspozitës së saj në Kino ARMATA, Thew do të flasë për aspektet organizative dhe shpërndarëse të krijimit të filmave eksperimentalë, duke përfshirë aspektet gjinore dhe klasore të këtyre praktikave, si dhe do të shfaqë filma të saj dhe të kineastëve të tjerë të lidhur me LFMC, duke u fokusuar tek gratë dhe regjisorët queer.