Abi Shehu

Abi Shehu prezanton një përzgjedhje punimesh të përfunduara dhe të tjerash në vijim në një situatë studioje të hapët. Ajo fton vizitorët dhe të ftuarit që t’i bashkohen për të menduar dhe për të folur mbi peizazhet e tranzicionit që lidhen me kujtesën, subjektivitetin dhe ekologjinë. Këto janë temat që i eksploron në instalacionet e fotografive analoge dhe të videos, e që deri tash janë përqendruar në shtresat e kohës dhe të perceptimit që ia formojnë dhe informojnë atdheun. Shqipëria është një vend që ende po përballet me izolimin historik dhe paranojën endemike të epokës komuniste. Është vend që karakterizohet nga kontraste të forta: vargmale të gjera malore takohen me bunkerë që u ngjasojnë kërpudhave të shpërndara, ndërsa shtëpitë e shkallmuara nëpër fshatrat e largëta bashkëjetojnë me ndërtesa të larta banimi dhe hotele në qytete dhe përgjatë bregdetit. Si pjesë e rezidencës në Prishtinë, ajo po ndjek një linjë të re hulumtimi artistik rreth lumit të munguar të qytetit, i cili u mbulua në vitet 1970. Mungesa e tij ndihet fort edhe sot.