Artistic Intervention – Ivan Moudov

0GMS është galeri parazitare arti që kyçet në muze, panaire arti dhe galeri të tjera. Ajo u themelua më 2010 nga artistët Stiven Guermeur, Ivan Moudov dhe Kamen Stojanov në një sirtar kuzhine në ICA – Sofje, një institucion i pavarur bullgar arti.

Të zhgënjyer nga dinamika e fuqisë së botës së artit, ata vendosën të ngrenë një galeri të tyren – sado të vogël – dhe të ripërcaktojnë kushtet e pjesëmarrjes. Të tre kanë marrë emrin “0GMS” nga inicialet e mbiemrave të tyre, duke shtuar një zero në fillim për t’i çuar në krye të çdo liste alfabetike. 

Më pas  Ivan  Moudov nxori 0GMS-në jashtë kuzhinës dhe e transformoi në kabinet me katër sirtarë ku ai vazhdon të paraqesë ekspozita në miniaturë që shfaqin punën e artistëve të ndryshëm. Për shumë vetë, kjo është shfaqja e tyre e parë solo. Në Prishtinë, një qytet me shumë pak hapësira për të shfaqur artin, Moudov po shfaq jo vetëm veprat e artistëve në zhvillim, por edhe një sërë taktikash parazitare për të qenë në botën artistike dhe për ta ndryshuar.