Reading session and Creative Writing with Dije Demiri Frangu

Duke nisur prej orës 13:00, Dije Demiri Frangu do të prezantojë një sesion leximi dhe shkrimi krijues për fëmijë deri në 14 vjeçarë. Dija, është një autore vendase e librave për fëmijë dhe profesore e letërsisë për fëmijë, e cila ka publikuar 13 libra, 7 prej të cilëve janë libra për fëmijë. Ajo gjithashtu ka ligjëruar lëndën e Historisë së Letërsisë Shqipe për Fëmijë në Universitetin e Prishtinës.

Ajo do të drejtojë këtë event leximi duke u bazuar në libra të ndryshëm të autorëve vendas për fëmijë e gjithashtu do të diskutojë më gjërësisht për tematikat që prezantohen në këto tekste. Leximi dhe analiza e librave do të bëhet prej fëmijëve dhe profesores, në një komunikim të përbashkët.

Pjesa e dytë e punëtorisë fokusohet në sesionin e shkrimit krijues. Autorja do ta drejtojë këtë proces duke inkurajuar pjesëmarrësit të shkruajnë poezitë apo tregimet e tyre të shkurtra.