Ndërhyrje artistike – Lee Bul

Duke folur për elipsoidin lundrues prej shtatëmbëdhjetë metrash, Lee Bul formuloi një varg pyetjesh qendrore për praktikën e saj të përgjithshme: “Çka ëndërruam në të kaluarën dhe çka kemi provuar? Çka ndodhi dhe si mund ta përdorim ende?”

Në skulpturat, instalacionet, shfaqjet dhe videot e saj, artistja eksploron dehjen dhe boshllëqet e mendimit utopik në kontekste të ndryshme historike, këtë herë duke e kthyer vështrimin tek lundra ajrore.

Duke kujtuar Hindenburgun, i cili, duke fluturuar nën flamurin nacional-socialist, shpërtheu në flakë më 1937, balona e saj e argjendtë mishëron cenueshmërinë e ëndrrave – jo vetëm ndaj aksidenteve, por edhe ndaj instrumentalizimit dhe çoroditjes politike.

Ndërsa lëviz mes çatisë së ngritur të Pallatit të Rinisë dhe Sporteve të Prishtinës – një ikonë e arkitekturës socialiste jugosllave – dhe makinave tokësore të parkuara në arenën sportive të djegur, balona e argjendtë e Lee Bul na fton të reflektojmë mbi atë që mund të shpëtojmë nga ëndrrat e të kaluarës dhe çka mund të sjellë kjo për të ardhmen.