Panel diskutimi organizuar nga UN Habitat: Dizajni i hapësirave publike – sfida të mëdha për mirëmbajtje.

Ndërsa projektohen projekte për hapësirat publike, komunat gjithmonë përpiqen të ofrojnë zgjidhje sa më të mira e me dizajne sa më tërheqëse. Sidoqoftë, në fazën e implementimit, komunat përballen me sfidën e mirëmbatjes së këtyre hapësirave.

Mungesa e kapitalit njerëzor, mjeteve teknologjike moderne e mbi të gjitha të buxhetit për mirëmbajtje, ndikon menjëherë në cilësinë e hapësirave publike. Në fund, këto hapësira rrezikojnë të mos përdoren më si hapësira publike.

Paneli do të diskutojë mbi sfidat me të cilat përballen instituciont vendore dhe kompanitë publike, rolin e komunitetit në mirëmbajtjen e hapësirave publike dhe rolin e organizatave jofitimprurëse në rritjen e vetëdijësimit për të mbajtur këto hapësira publike të sigurta dhe të mirëmbajtura.