Ndërhyrje artistike – Cevdet Erek

Rilindja është ikonë e arkitekturës brutaliste. Ajo u projektua nga Georgi Konstantinovski dhe u ndërtua në vitet 1970 për të pritur shtëpinë e parë botuese të Kosovës, Pallatin e Shtypit Rilindja. Këtu u botua gazeta jugosllave në gjuhën shqipe, Rilindja.

Në dekadat që pasuan, ajo funksionoi si vend i privilegjit kulturor, ashtu edhe – me prishjen e Jugosllavisë – si antitezë e tij. Së fundmi, ajo mirëpriti një sërë ngjarjesh të muzikës elektronike organizuar nga kolektivi Hapësira, të cilët kanë advokuar që ky vend të mbrohet dhe të shndërrohet në një hapësirë kulturore multidisiplinare. Në Brutal Times [Kohë Brutale], Cevdet Erek i përgjigjet turbullirës politike që qëndron në themel të ndryshimeve të shumta në funksionin, identitetin dhe pamjen e Rilindjes.

Duke u përfshirë në një pjesë tash të braktisur të ndërtesës, artisti nxjerr në pah të përkohshmet e ngulitura brenda boshllëkut të pasprivatizimit: duke përdorur grafikë, drita dhe tinguj, të lidhur me procesin e prodhimit të gazetave dhe muzikës techno.

Ritmet janë bazuar në kronologjinë e Rilindjes, që shtrihet nga fundi i Luftës së Dytë Botërore e deri në vitet 1990: një sekondë e veprave të artit përfaqëson një ditë në histori. Me këtë mjedis, Erek krijon një hapësirë të kujtesës dhe përvojës së mishëruar, duke ngritur pyetjen se çka vjen më pas.