Artistic Intervention – Ugo Rondinone

Monumenti i Heronjve të Lëvizjes Nacionalçlirimtare u ndërtua nën sundimin e Josip Broz Titos në vitin 1961. I njohur më së shumti si “Trekëndëshi”, ai u krijua për të konsoliduar “vëllazërim-bashkimin” – gjoja të farkuar gjatë rezistencës partizane në Luftën e Dytë Botërore – të tri grupeve më të mëdha etnike që jetonin në Kosovë: shqiptarëve, serbëve dhe malazezëve.

Ka pasur përpjekje këmbëngulëse për ta zëvendësuar me një monument kushtuar historisë së rezistencës shqiptare, të personifikuar nga figura e kreut të Ushtrisë Çlirimtare të Kosovës, Adem Jashari. Në një kohë kur monumentet në gjithë botën po trazohen – dhe shpesh po përmbysen – për shkak të ngatërrimit me ideologjitë, transformimi i monumentit të padukshëm gri në një me ngjyrë të ndezur prej Ugo Rondinone-s, sjell në dukje të plotë si strukturën ashtu edhe debatin kritik për të cilin qëndron.

Në të njëjtën kohë, ai nxjerr një objekt të “bukurisë dhe vështrimit”. Objektet e tilla, element i përsëritur i praktikës së artistit, ftojnë shikuesin të “kënaqet në përvojën e pastër shqisore të ngjyrës, formës dhe masës”.