Vizatim i përbashkët me Jakup Ferrin

“Vizatim i përbashkët”, punëtoria e Jakup Ferrit synon të vërë në punë imagjinatën dhe mundësitë e pafundme për shprehi artistike të tyre. Përgjatë këtij procesi, artisti do të udhëzojë dy grupe fëmijësh të pikturojnë së bashku në dy kanavaca të ndryshme.

Duke ndjekur stilin dhe tematikat e zhvilluara nga Jakup Ferri vetë, fëmijët do të bashkohen për të zhvilluar një praktikë artistike dhe argëtuese gjatë kësaj punëtorie duke i përbrendësuar dhe i reflektuar në punimet e tyre këto tema.

Në Qendrën për Praktikë Rrëfyese, fëmijët do të punojnë së bashku në këtë punëtori kreative dhe kur kjo punëtori të mbarojë, pikturat do të jenë pjesë e hapësirës Oaza të Qendrës për Praktikë Rrëfyese.