Fondacioni 17 – Hapësira e Galerisë

Galeria 17 është një galeri arti në Prishtinë, Kosovë. Fondacioni 17 e hapi këtë hapësirë në nëntor të vitit 2021 duke transformuar një ish-punëtori automekanike në një hapësirë ekspozitash dhe në galeri arti. Galeria 17 shërben si hapësirë për banorët përqark, qytetin dhe komunitetin artistik.

Me fokus në çështjet sociale, artistët dhe kuratorët janë të ftuar të eksperiementojnë me koncepte, ide dhe hapësirën në galeri. Ekspozitat zhvillohen për të qenë të guximshme, për të krijuar dialog dhe për të nxitur debat publik.

Fondacioni 17 gjithashtu dokumenton dhe rikrijon referencat e munguara në Kosovë përmes procesit të arkivimit dhe edukimit në dialog me komunitetin.