Foundation 17

Galeria 17 është një galeri arti në Prishtinë, Kosovë. Galeria 17 u krijua bazuar në nevojën për gjithëpërfshirje, eksperiementim dhe patjen e hapësirave të reja në skenën artistike të Prishtinës.

E hapur në nëntor të vitit 2021, Fondacioni 17 transformoi një ish-punëtori auto-mekanike në një galeri arti dhe hapësirë për ekspozita. Galeria 17 luajti një rol të rëndësishëm në komunitet duke gëzuar epitetin e një galerie për lagjen, qytetin dhe gjithë komunitetin artistik.

Me fokus në çështjet sociale, artistët dhe kuratorët janë të ftuar të eksperiementojnë me koncepte, ide dhe hapësirën në galeri. Ekspozitat zhvillohen në mënyrë të tillë që të jenë të guximshme, të krijojnë dialog dhe të zhvillojnë hapësirë për debat publik. Galeria 17 vazhdimisht dokumenton dhe krijon referenca për mungesat në Kosovë përmes një procesi arkivimi dhe edukimi mes dialogut me komunitetin.