Muzeu Etnologjik do të jetë një nga hapësirat e Manifesta 14 Prishtina!
Manifesta 14 Prishtina vazhdon të prezantojë hapësirat ku artistët pjesëmarrës do të prezantojnë punimet e tyre, instalacionet, ekspozitat e shumë të tjera. Në radhë është Muzeu Etnologjik, një nga institucionet kryesore kulturore në Kosovë.
Muzeu Etnologjik është një nga objektet e fundit të mbetura në Çarshinë e Vjetër të Prishtinës dhe paraqet një ndërtesë të pasur me histori dhe kulturë. Është një ndërtesë e stilit otoman prej guri dhe druri dhe ishte shtëpia e familjes Gjinolli për shumë vite përpara se të bëhej muze. Para vitit 1990, kjo ndërtesë ka shërbyer si muze i natyrës, por pas vitit 2003 është mbushur me objekte të përditshme të periudhës osmane në Kosovë. Tani muzeu prezanton edhe kostumet historike, tradicionale në Kosovë. E vendosur në kompleksin Emin Gjiku, është monument i mbrojtur nga shteti i Kosovës që nga viti 2016.
Ky muze paraqet jo vetëm vlera të gjera kulturore, por edhe përfaqësim të detajuar se si jetonin familjet, veshjet që mbanin, objektet, armatimet dhe artefaktet të cilat pasurojnë vizionin e se si kanë jetuar kosovarët në shekullin e kaluar. Të gjithë mund ta vizitojnë ndërtesën falas dhe mund të ndjejnë një pikë vendimtare se si dukej jeta e përditshme në këto territore vite më parë.
Dhomat në këtë shtëpi tregojnë historinë rutinore të familjeve në këtë qytet. Kjo ndërtesë tanimë mban të njëjtin interior të stiluar në qilima tradicionale dhe objekte rudimentare që reflektojnë mbi kreativitetin në përdorimin e sendeve sesi gjithçka mundet të jetë në shërbim dhe i përdorshëm.
Gjatë bienales 100 ditore të Manifesta 14 Prishtina, ky muze do të jetë pjesë e hapësirave ku shumë pjesëmarrës do të japin vizionin e tyre artistik se si mund të rrëfehen tregime ndryshe.
08.04.2022
Ju prezantojmë me Rilindjen!
Rilindja Press Palace is known to all as the place where culture and press developed in Prishtina. This was the ground space for emerging artists, writers and cultural practitioners and they brought to cultural history of Kosovo many periods of success and literary waves, crucial to understand the history of this country.
30.03.2022
Ju prezantojmë me Observatorin e Prishtinës!
Observatori është pjesë e kompleksit të ndërtesave të Pallatit të Rinisë dhe u ndërtua në dedikim të zbulimeve, kërkimeve shkencore dhe si hapësirë për edukim. Kjo ndërtesë u hap në fund të viteve ‘70 për hulumtues të rinj dhe kërkues shkencorë duke sjellë kësisoj një periudhë të re për komunitetin shkencor në Kosovë. Kupola e saj u dha qytetarëve të Prishtinës një pamje të yjeve, planeteve, meteoriteve.
21.02.2022
Kino Rinia do të jetë një nga hapësirat e Manifesta 14 Prishtina
Përgjatë muajve të ardhshëm do t’u japim zë arkitekturës dhe hapësirave të Prishtinës me qëllim rikthimin e hapësirave publike përmes aktit të thjeshtë të kujtesës dhe rrëfimit. Hapësira e parë që duam të prezantojmë është Kino Rinia, një ish-kinema dhe pikë kulturore e rëndësishme e Prishtinës, që ka lënë gjurmë në shumë gjenerata të Kosovës.