Ndërhyrje artistike – Alban Muja

Po të shikosh lart kur ecën rrugëve të Prishtinës, herët a vonë do të të bien në sy shtëpitë vernakulare që pushojnë mbi të gjitha llojet e ndërtesave, nga ato rezidenciale te ato komerciale, nga ato moderniste te ato turbo-kapitaliste. Arkitektura të tilla parazitare, për të cilat aludon Alban Muja me ndërhyrjen e tij Above Everyone   [Mbi të gjithë], shfaqen nëpër qytete në gjithë botën.

Megjithatë, sipas Mujës, këto mishërime të çuditshme të qëndresës imagjinative kanë një rezonancë të veçantë në qytetet e mëparshme jugosllave si Prishtina. Këtu, prania e tyre anarkike sinjalizon jo vetëm rënien e sistemit socialist të akomodimit, i cili, të paktën në teori, u garantonte të gjithëve një banesë me çmim të përballueshëm, por edhe shpërbërjen e besimit dhe vështrimit për institucionet publike, pronën dhe hapësirën.

Vendimi i artistit për të ndërhyrë në ish-shtëpinë e mallrave Gërmia – një vend shumë i dashur i kujtesës kolektive, i shpëtuar kohët e fundit nga shkatërrimi me qëndresë publike – thekson urgjencën e debatit të hapur rreth të ardhmes së ndërtesave publike, si dhe jehonën e rezistencës kreative.