Lek M. Gjeloshi

Në rrëzë të Bjeshkëve të Nemuna të Kosovës shtrihet manastiri i Deçanit. Themeluar në gjysmën e parë të shekullit XIV, vendi fetar ortodoks serb është i famshëm për afresket e tij. Ato përshkruajnë Kryqëzimin e Jezu Krishtit dhe janë përfunduar nga një piktor i panjohur në vitin 1530. Megjithatë, fama e afreskeve rrjedh më pak nga rëndësia e tyre artistike-historike sesa nga misteri intrigues në mesin e tyre. Burim i misterit janë dy figura të pazakonta të vendosura në të majtë dhe në të djathtë të kokës së Mesias. Ndërsa historianët e artit i lexojnë figurat si personifikime të thjeshta të diellit dhe hënës, secili duke u larguar nga Krishti i vuajtur me tmerr e keqardhje, një numër shkencëtarësh – me reputacion – i shohin figurat si UFO. Për ta, afresku përmban prova të pakundërshtueshme të ekzistencës së alienëve; teoritë e konspiracionit vlojnë. Çfarë na thonë trupat qiellorë? Video-instalacioni i Lek M.Gjeloshit shikon të ashtuquajturën hënë – dhe pikërisht zemrën e misterit.

Lek M. Gjeloshi (1987, AL) është një artist shqiptar i cili jeton dhe punon në Shkodër, Shqipëri. Praktika e tij multimediale hulumton efektet e tëhuajzimit në hapësira të limbos.

Punimet e tij janë shfaqur në disa ekspozita personale dhe në institucione të ndryshme duke përfshirë Villa Romana, École Nationale des Beaux-Arts de Lyon, Stacion – Qendra për Art Bashkëkohor Prishtinë, Kunsthalle West, Bazament Art Space, Autostrada Biennale, Manifattura Tabacchi, Galeria Zeta, Galeria Kombëtare e Artit në Shqipëri and Galeria Publike e Artit në Shkodër, ndër të tjera. Në vitin 2018 ai ishte artist rezident në Rezidencën Unlimited në Nju Jork.