Programi i Animacionit të CNP

Bashkohuni në Programin e Animacionit të CNP, një mundësi emocionuese për animatorët dhe tregimtarët aspirues. Gjatë këtij trajnimi një-mujor nga 1 nëntori deri më 30 nëntor 2023, tutorët me përvojë të animacionit do t’ju udhëheqin përmes një kurrikule gjithëpërfshirëse që mbulon zhvillimin e ideve dhe skenarit, storyboard, zhvillimin e karktereve, animacionin dhe post-produksionin. Animacionet e shkurtra të prodhuara gjatë programit do të shfaqen në një event publik në CNP. Pavarësisht nëse jeni një entuziast i animacionit ose një ilustrues që kërkon të eksplorojë animacionin, ky program është krijuar për ju.  

Detajet e programit:
• Datat e trajnimit: 01 – 30 nëntor 2023
• Shfaqjet e animacioneve: E mërkurë, 01 dhjetor 2023
• Tutorët: Edvin Susuri, Flaka Kokolli, Yll Bylykbashi 

PROGRAMI:

4-5 nëntor: Tregimi dhe zhvillimi i ideve
Tutor: Yll Bylykbashi

Dita 1 (e shtunë – 4 nëntor) 

• Gjenerimi i ideve për storien, duke përfshirë temat, personazhet dhe përshkrimet.
   
• Zhvillimi i një skenari të përafërt, përcaktimi i fabulës, karaktereve dhe motivimeve të tyre. 

Dita 2 (e diel – 5 nëntor) 

• Shkrimi i një skenari të detajuar duke përfshirë dialogët, veprimet dhe përshkrimet e skenës. 

11 – 12 nëntor: Storyboard dhe Animacioni
Tutor: Edvin Susuri
Dita 1 (e shtunë – 11 nëntor) 

• Krijimi i një paraqitje vizuale të skenarit , duke detajuar çdo skenë përmes skicave ose imazheve dixhitale. Storyboarding ndihmon në vizualizimin e rrjedhës së animacionit. 
• Kombinimi i imazheve të storyboard me audion e regjistruar për të krijuar një verzion të përafërt të animacionit. Kjo shërben si një plan për animacionin përfundimtar. 

Dita 2 (e diel – 12 nëntor) 

• Dizajni i karaktereve: Krijimi i modeleve të detajuara për çdo personazh, duke përfshirë shprehjet dhe lëvizjet e ndryshme të tyre. 
• Dizajni i Sfondit dhe Prop: Dizajnimi i mjediseve dhe objekteve brenda animacionit. 

• Paleta e ngjyrave: Vendosja për skemën e ngjyrave që përcakton tonin e animacionit. 

14 deri më 28 nëntor: Animimi i personazheve dhe objekteve
Tutore: Flaka Kokolli 

• Animimi i personazheve dhe objekteve: Përdorimi i softuerit të animacionit për të sjellë në jetë personazhet dhe objektet bazuar në storyboard. 
• Koha dhe ritmi: Rrjedha e animacioni pa probleme me kohën dhe ritmin e duhur të lëvizjeve. 

28 – 30 nëntor: Post-Produksioni | Edvin Susuri

• Editimi i animacionit: Rregullimi i skenave në sekuencën e dëshiruar, duke siguruar tranzicion dhe koherencë. 
• Fine-Tuning: rregullimet e nevojshme për animacionin, audion dhe kohën. 
• Rendering: Përdorimi i softuerit rendering për të gjeneruar imazhet përfundimtare me cilësi të lartë. 
• Kompozimi: Kombinimi i imazheve ose kornizave të paraqitura me efekte, sfonde dhe elementë të tjerë. 
• Kompozimi muzikor: Kompozimi ose përzgjedhja e muzikës së përshtatshme që plotëson gjendjen shpirtërore dhe emocionet e skenave. 

E premte, 1 dhjetor: Shfaqja publike e filmave të shkurtër të animacionit në CNP.

01 – 31 Dhjetor: Shfaqja e filmave të shkurtër të animacionit në  CNP. 

Si të aplikoni: Për të aplikur, ju lutem dorëzoni materialet e mëposhtme në cnp@manifesta.org deri më 24 tetor: 

• Një portofol të shkurtër që tregon punën tuaj të mëparshme të animacionit ose ilustrimit (nëse ka).
• Një deklaratë të shkurtër (maksimumi 300 fjalë) që tregon interesimit tuaj për  Programin e Animacionit CNP. 
• Informacioni i juaj i kontaktit.
• Sigurohuni që i përmbushni njohuritë bazë për animacion dhe/ose ilustrim.
• Periudha e aplikimit: 10 tetor – 24 tetor 

Shënim: Gjatë gjithë programit, do të ketë mundësi për diskutime, sesione pyetjesh dhe përgjigjesh dhe sesione mentorimi një-në-një me tutorët. Pjesëmarrësit gjithashtu do të inkurajohen të praktikojnë në mënyrë të pavarur ndërmjet seancave, duke përmirësuar më tej aftësitë e tyre dhe duke eksperimentuar me teknika të ndryshme të animacionit, lëvizjet e personazheve dhe qasjet e tregimit. 

Ky program mbështetet nga Zyra Zvicerane për Bashkëpunim në Kosovë