Edicionet e Limituara të Manifesta 14 Prishtina
Manifesta 14 Prishtina ka kënaqësinë të prezantojë lançimin e veshjeve me edicione të limituara të krijuara ng dizenjuesja kosovare e modës Venera Mustafa në bashkëpunim me dizajnerin grafik Bardhi Haliti.
Ky bashkëpunim ekskluziv i komisionuar nga Manifesta 14 dhe i prodhuar në Kosovë, shfaq një seri veshjesh të dizenjuara për të festuar gjithçka që Prishtina mban në shpirt. Ky koleksion përfshin dhe pallton dhe çantën “Kartolinë” e gjithashtu dy shalle “Lego” dhe “Hapësira”.
Palltoja frymëzohen nga veshjet e punëtorëve dhe mban një siluetë relaksuese, të prerë drejt dhe me “kartolinën” të shtypur digjitalisht që paraqet imazhin ikonik të Pallatit të Rinisë dhe Sporteve në Prishtinë. Palltoja është punuar me materialin Trevira.
Çanta tre-në-një është e përshtatshme dhe e rehatshme për të mbajtur laptopë dhe shumë më shumë. Ka zinxhirë në të dyja anët që lejon shpalosjen dhe përdorimin si shtrësë ulëse. Njejtë si palltoja, në këtë çantë gjendet “kartolina” me një imazh të një prej hapësirave të Manifesta 14 Prishtina. Çanta është e përshtatshme për çdo rast e gjithashtu është punuar me materialin Trevira.
Dy shallet, secila e shtypur në mëndafsh vegan faux, paraqet një montazh grafik të qenëve të vendit dhe një mori hapësirash të përfshira në shtigjet e veçanta të përgatituta për edicionin e 14-të të Bienales Nomade Evropiane: prej oxhakut të ish-Fabrikës së Taullave deri tek kupolat e Bibliotekës Kombëtar të Kosovës.
Ky koleksion shitet ekskluzivisht në Pikën e Informacionit në Hotelin Grand dhe në studion veneramustafa. Secili produkt është prodhuar në 50 copë.
Në lookbook të koleksionit gjeni këto veshje në modelin Jon Gashi, i cili është edhe Ambasador i Manifesta 14 Prishtina. Jon Gashi ka kontribuar gjithashtu në serinë e këngëve Love in Kosovo, një listë këngësh mbi dashurinë dhe marrëdhëniet njerëzore kuruar nga Oda Haliti për Grand Scheme of Things, në ekspozitën tematike në Grand Hotel Prishtina ideuar nga Ndërmjetësuesja Kreative e Manifesta 14, Catherine Nichols. Ky katalog është fotografuar nga Atdhe Mulla.
30.06.2021
Identiteti Vizual i Manifesta 14 Prishtina
Për Manifesta 14 Prishtina, pasi kemi shqyrtuar shumë propozime të shkëlqyera të dizajnit, ne jemi të lumtur të prezantojmë identitetin e ri vizual të krijuar nga vet dizajneri Prishtinas, Bardhi Haliti.
Dizajni përqendrohet në aspektin nomad të Manifestës duke marrë pamjen gjithnjë në ndryshim të qytetit të Prishtinës. Ajo merr inspirim nga fragmentet e ndryshme brenda qytetit që janë të ndryshme, por janë të ndërthurura së bashku. Dizajni do të jetë i dukshëm në të gjithë qytetin në muajt që vijnë drejt hapjes së bienales më 22 korrik 2022. Website-i i ri gjithashtu do të publikohet në fund të verës 2021.
Bardhi Haliti është një dizajner grafik Kosovar me seli aktualisht në Amsterdam, Holandë, i cili punon për një grup artistësh dhe organizatash kosovare dhe ndërkombëtare. Ai ndër të tjera, është bashkëthemeluesi i festivalit të dizajnit grafik me famë ndërkombëtare REDO dhe jep mësim në Institutin Sandberg.
19.05.2022
Publikimi i librit për Kujtesën Kolektive të ish-bibliotekës "Hivzi Sulejmani"
Lexoni më shumë në lidhje me publikimin e "Kujtesa kolektive e ish-bibliotekës Hivzi Sulejmani" dhe shkarkoni këtë botim në formatin pdf.
16.06.2022
Shpallja e listës së plotë të pjesëmarrësve!
Read the full participant list for Manifesta 14 Prishtina.