Kino Rinia do të jetë një nga hapësirat e Manifesta 14 Prishtina

Me afrimin e Manifesta 14 Prishtina, do t’ju prezantojmë me hapësira të Prishtinës në të cilat do të mbahen ndërhyrje artistike, ekspozita dhe evente.

Tema e Manifesta 14, çfarë botësh bota botëron: si të rrëfejmë tregimet ndryshe, eksploron mënyrat e rrëfimit dhe rikthimin e hapësirave publike në Prishtinë. Përgjatë muajve në vijim do t’i japim zë arkitekturës dhe hapësirave të Prishtinës me qëllim rikthimin e hapësirave publike përmes aktit të kujtesës dhe rrëfimit.

Hapësira e parë që duam të prezantojmë është Kino Rinia, një ish-kinema dhe pikë kulturore e rëndësishme e Prishtinës, që ka lënë gjurmë në shumë gjenerata të Kosovës.

E ndërtuar në fillim të viteve 1950, Kino Rinia paraqiti një moment të rëndësishëm për artin dhe kulturën në Kosovë. Kjo kinema bëri bashkë shumë mediume të artit dhe u kthye në një vend për shprehi të lirë artistike dhe rezistencë kulturore. Kino Rinia ishte pjesë e hartës kulturore të qytetit e në të cilën janë mbajtur një seri eventesh që nga premierat e filmave ndërkombëtarë, mbrëmjeve poetike dhe muzikore dhe radios teatrore.

Kino Rinia shënon 70 vjetorin e veprimtarisë së saj këtë muaj duke lidhur shumë dashurues të filmit me këtë formë arti ndër viteve. Programi i Kino Rinisë solli për herë të parë në Prishtinë filma aksion dhe romanca hollivudiane. Në 30 vitet e fundit, Kino Rinia nuk përdoret më si kinema. Karakteristikat kryesore arktitekturore të Kino Rinisë kanë humbur vlerën e tyre përgjatë viteve për shkak të dëmtimeve në strukturën dhe fasadën së godinës. Me ardhjen e ndryshimeve të vazhdueshme sociale dhe politike prej vitit 1990, Kino Rinia ka ndryshuar funksionin e saj duke u kthyer në bar kafe apo restorant.

Në vitet e fundit ka pasur interes në rrëfimin e historisë dhe rëndësisë së kësaj pike kulturore. Fondacioni Shtatëmbëdhjetë dhe ChwB Kosova, dy organizata që veprojnë në Kosovë kanë punuar në një hulumtim dhe kanë kërkuar deklarimin e Kino Rinisë si një zonë të mbrojtur të trashëgimisë, duke pasur parasysh rëndësinë sociale dhe kulturore të saj. Kjo kërkesë u pranua nga Ministria e Kulturës së Kosovës dhe tashmë kjo ndërtesë është në Listën e Trashëgimisë Kulturore për Mbrojtje të Përkohshme.  

Përgjatë Manifesta 14, Kino Rinia do të përdoret si hapësirë për t’u shprehur artistikisht. Duke hapur dyert për të gjithë, ne mezi presim t’ju mirëpresim në Kino Rinia dhe në shumë  hapësira të tjera në Prishtinë këtë verë! 

Për më tej, vizitoni website tonë dhe mediat tona sociale për t’u informuar më shumë për hapësira të tjera në cilat do të jetë e pranishme Manifesta 14.