Ndërhyrje artistike – RomaMoMa Library with Farije Mehmeti

Biblioteka RomaMoMA u krijua në vitin 2021 për të përkujtuar pesëdhjetë vjetorin e Kongresit të Parë Botëror Rom. Ajo është dinamike dhe bredhëse, duke u përfshirë në kontekste lokale kudo që udhëton.

Duke përmbledhur rreth 150 libra mbi trashëgiminë bashkëkohore letrare, artistike dhe kulturore rome, koleksioni në rritje i bibliotekës paraqet këtë trashëgimi të pasur rome, ndërsa shqyrton në mënyrë kritike dhunën dhe shtypjen kundër romëve në Evropë.

Për qëndrimin e saj në Bibliotekën Kombëtare të Kosovës, Biblioteka RomaMoMA shoqërohet nga Farije Mehmeti, një artiste e shquar për portretet e saj plot gjallëri të grave rome. Në komunitet dhe përtej, gratë luajnë rol vendimtar në nxitjen e shëndetit riprodhues dhe mendor, dhe në kalimin e njohurive të lashta mbi praktikat shëruese, spiritualitetin, natyrën dhe kozmosin.

Subjektet e Mehmetit frymëzohen nga heroinat e përditshme, edhe pse shpesh të pikturuara nga imagjinata e saj. Të forta dhe të sigurta, ato nderojnë të kaluarën ndërsa fiksojnë vështrimin me vendosmëri drejt së ardhmes. Me këtë rast, biblioteka aktivizohet përmes Adjacent  [Ngjitur], pajisjes së lëvizshme të njohurive të konceptuar për RomaMoMA nga artisti Daniel Baker.