Ndërhyrje artistike – Werker Collective

Amator Archives [Arkivat e Dashurisë] (nga latinishtja amātor: i dashur) është një metodë arkivimi e drejtuar nga qytetarët dhe e zhvilluar nga kolektivi Werker për të mbështetur zhvillimin e imagjinatës emancipuese politike përmes proceseve të vetëbotimit dhe studimit kolektiv.

Në një shtet si Kosova, arkivat e së cilës janë delikate e shpesh mungojnë, janë të shkatërruara apo të padukshme, Amator Archives [Arkivat e Dashurisë] do të vendosen në Qendrën për Praktikë Rrëfyese. Ky projekt do të zgjasë në kohë dhe do të vazhdojë në zhvillohet në forma të ndryshme përtej programit 100 ditor të bienales.

Amator Archives [Arkivat e Dashurisë] ftojnë miq, të dashur, familjarë, amatorë apo njerëz me pasione të ndryshme të ndajnë, diskutojnë dhe rregullojnë arkivët e tyre personalë. Ky projekt mirëpret koleksione të pikturave, shkrimeve, vizatimeve, dokumenteve, fletoreve vetjake, revista, fletëpalosje, postera, gazeta, video apo materiale zanore (dokumente origjinale apo riprodhime) prej të cilave do të krijohen kujtime kolektive të ndërthurura.

Në mënyrë që të aktivizohet procesi i arkivimit në Prishtinë, kolektivi Werker ka kontribuar me 200 dokumente prej koleksionit të tyre në Amsterdam që fokusohet në praktika dokumentimi të vetëorganizuar e radikal dhe kritikë të medias në tema si puna, feminizmi, seksualiteti, ekologjia dhe lëvizjet shoqërore.

Për t’u përfshirë në këtë projekt kontaktoni: info@werkermagazine.org