Ndërhyrje artistike – Speculative Tourism

 Si do të tingëllojë Prishtina në të ardhmen? Ç’ndjenjë do të jetë të jetosh në të? Cilat ndërtesa do të mbeten në këmbë? Kush do ta qeverisë qytetin dhe si? A do të vrapojnë qentë nëpër rrugë? Po, ç’do të bëhet me plehrat?

Turizmi spekulativ të fton të bësh një nga turnetë e realitetit të augmentuar nëpër qytet për ta marrë vesh. Me vetëm një smartphone dhe kufje të nevojshme për pjesëmarrje, këto veprojnë në “udhëkryqin e trillit shkencor dhe turizmit historik”, për të cituar Shalev Moran-in dhe Mushon Zer Tel Aviv-in, projektuesit dhe mendimtarët mbrapa këtij koncepti.

Të dy kanë punuar me shkrimtarët vendas Artrit Bytyçi, Likana Cana, Vullnet Krasniqi dhe Vesa Qena për të prodhuar katër turne shumë të ndryshme të Prishtinave të ardhshme. Secila nga këto audio-drama do të ju udhëzonte përmes vizionit të autorit të saj për atë që do të vijë. Ndiqni ato nga vendi në vend në qytet, ndërsa na tregojnë shtresat e të tashmes dhe të kaluarës përmes lenteve të të ardhmeve të mundshme – dhe na ftojnë të imagjinojmë vetë realitete të reja të mëtejme.